Saga Guðrún & Arney Vaka

Vetrarstarfið á heimilinu er að skríða í fastar skorður og því lítið í fréttum. Saga Guðrún er reyndar búin að fá slæma augnsýkingu í þessari viku. Byrjaði í hægra auganu á miðvikudaginn og við fengum dropa í augun á Barnaspítalanum og augað leit strax betur út. Svo á fimmtudeginum var sýkingin komin í vinstra augað en núna er hún bara soldið rauð og þrútin en alveg hætt að grafa Hún áttar sig á því að kremið (droparnir ;)) hjálpaði henni - því hún bað um það í dag þegar augun voru orðin vel þrútin og svo aftur núna í kvöld Við mæðgurnar dúlluðum okkur bara heima í gær, mamman lærði með dyggri aðstoð Sögunnar og hún var dugleg að lita allskonar greinar og glósur fyrir mig Síðan síðast hefur hún loksins fengist til að fallast á það að hún heiti jú Saga Guðrún en hún hefur aldrei viljað setja Guðrúnar nafnið fyrir aftan þó hún hafi getað sagt það í nokkra mánuði. Svo vorum við að merkja fötin hennar fyrir leikskólann og núna les hún skýrt og greinilega í morgunblöðum, bókum, auglýsingapésum og jafnvel á netinu: “Æja Hulllllún” eins og það hljómar á Sögu máli Hún er ótrúlega dugleg að tala og eiginlega óstöðvandi.

Um helgina ætlum við að fara í Veröldina okkar og hitta alla októbervinina Það verður ábyggilega mikið fjör þó að Saga vilji bara hitta Tinnu sína! Ótrúlegt en satt þá er bara mánuður í stóra daginn … tíminn bara flýgur. Saga Guðrún er dugleg að minna okkur á að hún eigi afmæli og er núna í nokkra daga búin að tauta: “fyrst mamma, svo Tinna og svo ég.” Hún er alveg á því að í pökkunum eigi að vera afmæliskaka og hún ætlar að gefa mér afmælisköku í afmæligjöf
Það hlægilega sem ég gleymdi síðast var að við fórum í Grasagarðinn fyrr í mánuðinum með Tinnu Mjöll og Hafrúnu Örnu. Saga og Hafrún voru að gefa gæsunum brauð og eitthvað leist einni gæsinni illa á hvað Saga var lengi að rífa niður brauðið svo að hún gerði sér lítið fyrir og beit aðeins í brauðið, barninu til mikillar skelfingar. Leiðindamamman gat ekki vorkennt henni mikið því hún hló bara að henni :blush: Svipurinn á barninu var bara svo óborganlegur og hún talar ennþá um að gæsin hafi bitið hana

Afmæli, afmæli, afmæli & afmælisþetta og afmælishitt er það sem á hug skvísunnar allan þessa dagana. Það byrjaði á föstudaginn þegar Steinunn átti vinkona og stelpurófan söng afmælissönginn allan daginn og var mikið með þetta á heilanum. Fátt annað hefur komist að, enda farið í afmælisveislu, borðuð afmæliskaka og gefinn afmælispakki sem allt er stórmerkilegt í augum Sögu Guðrúnar. Í dag og í gær hefur hún mikið spurt hvort að hún eigi nokkuð afmæli í dag og reynt að sannfæra mig um að hún eigi að fá afmælisköku Já, ætli þetta verði ekki langir tveir mánuðir fyrir hana að bíða þar til að stóri dagurinn rennur upp en mér segir svo hugur að þá helgina verði mikið stuð á heimilinu. Ég spurði hana jú hvort hún ætlaði að fá köku og þá hvernig köku - og hún sagði mér að hún vildi afmælisköku. Við nánari upptalningu (prinsessu, bangsímon, blóma, latabæjar o.s.frv.) var hún ákveðin í að hafa prinsessuköku þegar þar að kemur. Enda var Steinunn með prinsessudiska í sínu afmæli sem voru frekar flottir Í gær kíktum við líka á skómarkað í Perlunni og keyptum spariskó á skvísuna og viti menn … jú það eru víst afmælisskór - hvað annað Vangavelturnar um að vera lasinn hafa haldið sínu striki nema núna heldur daman að hún sé lasin þegar hún verður þreytt og þegar einhver geispar. Núna erum við mikið að ræða muninn á því … hún viðurkennir líka aldrie að vera lasin þegar ég minni hana á að þá megi maður ekki fara út að leika.
Í vikunni fórum við í berjamó með Steinunni&Önnu og fannst Sögu Guðrúnu það ekki leiðinlegt. Að sjálfsöðgu var hún mun duglegri við að tína ber í munninn en í dolluna og þeim stöllunum fannst mun þægilegra að tína upp í sig úr dollunni en af lynginu.
Um helgina tók hún upp á því að ganga um heimilið og góla á Óla. “Óli, Óli minn” hljómar um allt og það er bara krúttlegast hverni hún segir það. Eitt af fáum orðum sem hún nær 100% Hún er með það á hreinu að pabbi sinn heitir Óli en þó hún viti vel hvað ég heiti þá er “mamma mín” yfirleitt svarið.
Sögu Guðrúnu fer fram með hverjum deginum í talinu og er sjaldnast þögn hér á heimilinu. Við mæðgurnar sjáum um það að halda talfærunum í góðri þjálfun.
Við erum annars bara búnar að dúlla okkur saman hérna í morgun mæðgurnar, í kæruleysi á mánudagsmorgni. Það er starfsdagur í leikskólanum og móðurómyndin lasin svo pabbinn skaust í skólann en dreif sig svo heim eftir fyrsta tíma til að fara með grísinn út að leika - enda er hún frekar þreytt á inniveru og “ekkert að gera” fílingnum um helgina. Það var frekar sár dama sem að fékk ekki að fara á leikskólann og reyndi ítrekað að ná í skóna og spyrja hvort við ætluðum ekki að kíkja á krakkana.
Hún átti svo fyndinn sprett hérna í vikunni sem ég ætlaði eki að klikka á að muna en ég er búin að steiiiiingleyma því! Ætla að leggja höfuðið í bleyti og athuga hvort það rifjist ekki eitthvað upp!
Verið nú dugleg að kvitta fyrir innlitið - fullt af nýjum myndum sem má líka kvitta við

Fyrst vil ég benda á nokkrar nýjar ágúst myndir aftast í albúminu
Saga Guðrún var ekki lengi að hrista af sér veikindin um síðustu helgi og var komin á fullt skrið strax á laugardeginum. Um síðustu helgi keyptum við nýtt rúm handa henni og höfum mikið verið að ræða hvað hún sé orðin stór. Stórar stelpur sofa í nýjum rúmum og fara jú yfir á Holt á leikskólanum. Það gengur vel með rúmið og hún virðist ekki almennilega fatta að fara fram úr því sjálf Ég vaknaði eina nóttina við að hún kallaði bara á mig og sagði mér að koma því hún vildi lúlla hjá mér Kannski finnst henni bara svona gott að láta þjóna sér Hún á líka að skipta yfir á næstu deild á leikskólanum sínu en eitthvað gengur það hægt, búin að bíta í sig að hún ætli ekki en verður samt yfir sig glöð og ánægð þegar hún hittir krakkana þar sem eru búnir að vera með henni á deild síðan hún byrjaði.
Annars er mest lítið að gerast hjá okkur þessa dagana. Við erum bæði byrjuð í skólanum og Óli er að vinna með skólanum líka núna svo það er nóg að gera. Við mæðgurnar höldum okkar striki og dúllum okkur saman eftir hádegi og er Saga Guðrún bara ánægð með það eins og er. Fyrir sumarfrí var orðið stríð að taka hana með mér heim af leikskólanum, hún hágrét og vildi ekki sjá að fara heim. Það fer sko ekkert á milli mála hvað hún er ánægð á leikskólanum.

Þessa vikuna er mikið og margt að brjótast um í höfðinu á henni og við erum mikið búnar að ræða um hvað það sé eiginlega að vera lasin. Hún er viss um að hún sjálf sé oft lasin og segir það með miklum tilþrifum og finnur mikið til með þeim sem eru lasnir. Hún er alltaf að spá og spöglera eitthvað merkilegt, sár og hrufur eru t.d. mjög merkilegt og mikil ástæða til þess að sjá til þess að allir viðstaddir viti ef eitthvað bjátar á.

Helgin hefur verið ósköp róleg- við fórum á aðstandendadag hjá afa Kjartani í gær og daman þóttist voða feimin fyrst en lék síðan á alls oddi. Brugðum okkur svo í Kringluna þar sem hún fékk að hjálpa til við að velja buxur og peysu handa sér en hún vex svo hratt þessa dagana að fatabirgðirnar eru að tæmast. Síðan fórum við og bökuðum pizzu og svona og daman var í banastuði. Náði að plata Halla sinn í mikið hopp og skopp og fannst nú ástæða til að tala um það í dag. Núna ætla ég að rífa hana upp af miðdegisblundinum sínum og skella okkur í pottinn til Maju frænku áður en að við hittum nokkra vini okkar niður í Grasagarðinum.