Saga Guðrún & Arney Vaka

Við viljum biðja á að óska öllum gleðilegra jóla
Saga Guðrún er aldeilis búin að hafa það gott í dag og í gær. Ég held að henni lítist nú bara vel á þessi jól og geti alveg hugsað sér að gera þetta oftar Við byrjuðum aðfangadag á því að fara í síðustu pakkaheimsóknina til ömmu Rönku sem vann huga hennar og hjarta á fyrstu metrunum þar sem fyrst afhenti hún henni pakka og bauð svo upp á súkkulaðirúsínur Svona í tilefni dagsins fékk hún að narta í þær og var alsæl. Við fórum síðan léttan hádegismat á Birkimelinn til að losa okkur við fleiri pakka og knúsa ömmu&afa þar gleðileg jól.
Síðan fékk daman sér blund en lagði sig alls ekki nógu lengi miðað við það sem við foreldrar höfðum kosið. Eftir pínu hrakfarir þegar kom að jóladressinu komumst við í Kópavoginn rétt fyrir 18.
Saga gaf ekki mikið fyrir kalkúninn og meðlætið heldur heimtaði maísstöngla í sitthvora höndina og snæddi þá með bestu lyst í hátíðarmat sem og eina græna baun. Hún skilaði samt stönglunum með ákveðnu milli bili þegar hverri rönd var lokið og heimtaði nýjan. Við snérum aðeins á hana og var frekar mikið hlegið að þessu tiktúrum - svo lengi sem hún hélt að maturinn kæmi af disknum var mín kona ánægð Við byrgðum okkur upp af allskonar ávöxtum í nesti fyrir dömuna sem reyndist ákaflega skynsamlegt. Hún leit ekki við ísnum en borðaði vínber og mandarínur með bestu lyst og síðar um kvöldið borðaði hún heila öskju af bláberjum á meðan mamman gleymdi sér við að opna pakka og náði ekki að stoppa átið.
Saga Guðrún sem og við foreldrarnir fékk ákaflega margar fallegar jólagjafir. Hún stóð sig nokkuð vel í að opna pakkana en það er óhætt að segja að hún átti flestar gjafir undir trénu. Við vorum þó fljót að stinga undan megninu af pökkunum svo hún myndi ekki missa sig í æsingnum. Það sem stóð upp úr hjá henni í gærkvöldi var kápa frá langafa Gettu & langömmu Sigrúnu en hún gekk um í henni og fékkst ekki til að fara úr henni megnið af kvöldinu. Síðan grét hún bara og fór í hana aftur þegar hún var tekin úr Svo fékk hún trommu frá langömmu Rönku sem var líka frekar vinsæl Í morgun þegar hún svo vaknaði gerði hún öðrum gjöfum góð skil og hefur verið frekar sæl hér í dag!

Við fórum síðan í mat til ömmu og afa í dag og þá hljóp einhver ólund í litlu konuna og fékkst hún ekkert til að borða af steikinni en fékk sér þó smá ís. Hún var dauðþreytt enda sofnað seint í gær og vaknað snemma í dag miðað aðstæður og þrátt fyrir langan og góðan midegislúr í dag þá sagði pakkaþreytan til sín. Stuttu fyrir heimfór kom fram svefngalsi hjá dömunni og sprellaði hún rækilega með afa sínum enda var hún dottin út stuttu eftir að komið var í bílinn. Hún tróð svo í sig ávöxtum og skyri hérna heima og virðist hress. Kærulausa móðirin tók síðan allt í einu eftir því að barnið var ískyggilega þægt og kom þá í ljós að hún var að gæða sér á konfektmola í bréfi og öllu með bestu lyst. Það fannst henni bara alls ekki slæmt og var ekki með nokkru móti hægt að taka þetta af henni þegar hún ljómaði eins og sólin og gaf frá sér ánægju hljóð. Það er jú bara jól einu sinni á ári
Á morgun er svo hangikjöt hjá ömmu&afa og stórfjölskyldan þar. Síðan eigum við eftir eitt jólaboð enn en við missum af einu sem er á sama tíma og hangikjötsveislan. Saga Guðrún er svo í fríi á leikskólann þar til á næsta ári og ég þarf bara að vinna tvo daga seinnipart vikunnar. Ansi ljúft alveg hreint Við erum búin að hafa það ótrúlega gott og njóta jólanna í botn

Á fimmtudaginn var jólaball á leikskólanum. Við Saga flýttum okkur heim í hádeginu og hún fékk sér blund áður en fjörið byrjaði. Hún var pínulítið smeyk við þetta enda varla von á öðru, og ríghélt sér í þann sem var að dansa með hana í kringum jólatréð. Eins og á öllum alvöru jólaböllum þá komu jólasveinar og stóð dömunni ekki alveg á sama en hún þurfti nú samt að fylgjast vel með þeim á meðan þeir sungu og trölluðu. Þegar það var búið að dansa kringum jólatréð fór hver deild inn á sína stofu og jólasveinninn kom með pakka. Eftir jólaballið grenjaði mín kona alla leiðina heim - ég held að hún hafi viljað fara heim með Beintu því hún var mjög upptekin við að keyra kerruna og hjálpa til. Þær eru alltaf að verða betri og betri vinkonur þær stöllurnar - en nú er allt í einu hlaupinn púki í Beintu. Á föstudaginn á leikskólanum var Saga hjá henni og Beinta reyndi alltaf að hrinda Sögu niður. Þá skammaði ég hana náttúrulega og sagði henni að vera góð en litla Sögulúsin var þá “aaaaa” við Beintu í staðinn og tók skammirnar til sín :D Á föstudaginn hitti Saga Guðrún síðan frænku sína sem verður 1 árs í janúar. Henni leist ekki alveg nógu vel á þetta fyrirkomulag - óttaðist samkeppnina og fannst það alveg hreint ekkert sniðugt þegar ég tók Hrefnu frænku hennar í fangið og ekkert ofboðslega hrifin af því hún fór svo í fangið á ömmu. Hinsvegar var Hrefna yfir sig hrifin af Sögu Ég er komin í jólafrí og bara eitt próf eftir hjá Óla. Við erum því á fullu að baka og gera fínt fyrir jólin - jú og kaupa jólagjafir. Við fórum í Smáralindina í gær - öll þrjú að kaupa jólagjafir og jújú það gekk en að vera með 13 mánaða þrjóskupúka með sér í jólagjafaleiðangri er ekki alveg málið. Við fórum síðan líka í Blómaval að skoða jólalandið þar. Bæði þar og síðan við ísbirnina í Kringlunni veit Saga ekki alveg hvað hún á að halda. Hún virðist soldið vera að velta því fyrir sér hvort þetta sé lifandi eða ekki og það er þess vegna eins gott að hafa varann á Látum þetta gott heita í bili og förum aftur að einbeita okkur að jólaundirbúningi

Héðan er fátt að frétta! Við foreldrarnir erum búin að vera í prófum og stelpuskottið hún Saga Guðrún hefur bara skottast hér um og verið síðan soldið í pössun hjá ömmu Eddu. Ég klára þó prófin á morgun og þá ætlum við mæðgurnar að reyna að jólast aðeins saman og njóta þess að slaka á. Pabbinn á bænum á nú eftir fjögur próf og er því nóg að gera hjá honum!
Á fimmtudaginn er jólaball á leikskólanum hjá Sögu og Steinunn ætlar að fara með hana. Eins spennandi og það er að fara á fyrsta jólaballið sitt þá verðum við Óli víst í jarðaför - því elsku langamma Maja lést í vikunni. Við Saga ætlum samt að mæta á jólaballið í vinnunni hjá afa Adda ef af því verður til að ég upplifi þetta með henni líka Annars verða nú að öllum líkindum nóg af jólaböllum í framtíðinni en þetta er svona!
Saga Guðrún er búin að standa sig eins og hetja undanfarið við að vera í pössun . Hún hefur verið með eindæmum heimakær og mest bara heima hjá okkur þar til að á svona prófatímum og henni er bara alveg sama Það er nú samt alltaf voða gott að koma aftur heima og hitta okkur en hún er stillt og góð í annarra manna húsum þó hún eigi sín móment hérna heima eins og allir aðrir Maður er nú einu sinni orðinn 13 mánaða - alveg að verða fullorðinn svo það er eins gott að haga sér vel og vera til fyrirmyndar

Jæja núna eru mamma og pabbi lögst í próflestur og ég geng bara sjálfala um! Nei - það er nú kannski fullmikið sagt! En þau eru að rembast við að vera dugleg að læra og ég er nú ekkert endilega að reyna að gera þeim auðvelt fyrir. Ég fékk smá hita í gær og er mjög kvefuð en samt bara nokkuð hress og ætla nú bara að vera hress og kát! Það má enginn vera að því að vera veikur í desember!
Á laugardaginn fór ég til ömmu Eddu og fór að stússa með henni. Ég hitti auðvitað Mörtu&Maríu líka og sýndi þeim allar mínar bestu hliðar að sjálfsögðu! Ég kom ekki heim fyrr en á háttatíma Á sunnudaginn fórum við svo í afmælisveislu til hennar Önnu Petreu vinkonu minnar. Í fyrstu var ég töluvert feimin enda var fullt af fólki sem ég þekkti ekki og svo var Anna svo rosalega glöð að sjá mig! En ég náði mér fljótt á strik og það var rosalega gaman. Fékk súkkulaðiköku og ís að borða og lék mér helling með dótið hennar. Hún á rosa flottan stól sem ég fékk nokkrar góðar byltur ofan af - ég held nefnilega stundum að ég sé stærri en ég er. Í dag kom Maja frænka svo að sækja mig þegar hún var búin að vinna og ég fór upp í Grafarvog með henni. Ég var að sjálfsögðu til fyrirmyndar í alla staði og fékk mér blund í Majufangi og allt. Ég fékk grjónagraut í kvöldmatinn og svo fórum ég, Maja og Iðunn í IKEA og ég fékk ís í eftirrétt og fékk að borða hann ALVEG sjálf…mmmm… það fannst mér gott og var víst ansi snyrtileg við þetta!
Í morgun þegar ég og mamma fórum á leikskólann þá vildi ég strax fara til kennarans míns en ekkert fara með mömmu inn á hennar deild! Ohhh hún mamma er svo skrýtin en hún er alveg yfir sig ánægð með hvað ég er dugleg! Eins og það sé ekki sjálfsagður hlutur? Mamma á eftir að fara í tvö próf og pabbi fimm. Á mánudaginn næstu viku ætlum við mamma að fara að jólast og baka smákökur og kaupa jólapakka. Ef einhver er hræddur um að mamma gleymi þeim verða þeir að láta okkur vita hérna Jæja - ég er löngu svifin inn í draumalandið eftir skemmtilegan dag…
Kveðja
ykkur knúsímús
Saga Guðrún sætasta sem er LOKSINS LOKSINS farin að segja pabbi

Þá er Saga Guðrún búin að afreka að koma í sjónvarpinu! Það var umfjöllun um hana Beintu Mariu í Ísland í dag í kvöld og þar komum við mæðgurnar báðar í mynd og ég meira að segja talaði. Beinta var nú samt auðvitað aðalmáli og langsætust og okkur fannst þetta alveg ágætt barasta! (Hægt að horfa á endursýninguna hér)

Ofnæmisprófið gekk vel - ekkert pensillín ofnæmi hjá dömunni og henni fannst þetta bara ferlega skemmtileg læknisferð. Fékk pensillínlausn að drekka og fékk svo að leika sér með allt skemmtilega dótið á biðstofunni í alveg klukkutíma rúman! Ekki slæm skipti - áreiðanlega skemmtilegasta læknisferðin hingað til!
Á þriðjudaginn komu Tinna & Darri Jökull í heimsókn til okkar og hann var líka í pössun hjá okkur svolitla stund. Það gekk ótrúlega vel nema að Saga setti upp “ég er ótrúlega hneyksluð” svipinn sinn þegar Darri hló og var að skemmta sér vel.
Annars er hún alltaf jafn dugleg á leikskólanum - algjört yndi! Það eru líkar þvílíkar framfarir sem barnið er að taka á öllum sviðum. Hún dansar og syngur og er alltaf að læra fleiri orð. Hún er svo mikil mús!
Það eru komnar inn fullt af flottum myndum - bæði í nóvember albúmin og fleiri. Tókum æðislega jólamyndaseríu í gærkvöldi - alveg dásamlega Endilega segið mér svo hvernig ykkur leist á sjónvarpsstjörnur landsins

Það verða allir að horfa á Ísland í dag í kvöld … það verður klippa um Beintuna okkar Allir að horfa á sætustu stelpuna
Soffía og Saga (sem á Beintu á leikskólanum og vill ekki leyfa neinum að tala við hana)