Saga Guðrún & Arney Vaka

Það er nóg að gera hérna hjá okkur eins og alltaf. Við erum að byrja að undirbúa jólin enda próf að skella á hjá okkur foreldrunum og erður þá flest annað að sitja á hakanum. Við fórum í Kringluna í dag og þar var verið að kveikja á jólatrénu og ýmislegt jóla-tengt í gangi og meðal annars rákumst við á tvo jólasveina. Sögu fannst þessir karlar nú dálítið furðulegir en þegar við sáum fjóra þeirra vera að syngja þá brast mín kona bara í grát og leist bara ekki vel á þessa furðufugla. Henni leiðast nú samt ekki ljósin og skreytingarnar sem henni finnst frekar flottar. Við erum reyndar ekki byrjuð að skreyta neitt hér en það stendur til bóta á næstu dögum.
Saga Guðrún stendur sig eins og hetja á leikskólanum - við fórum í foreldraviðtal á fimmtudaginn. Við fengum að heyra að hún væri rosalega dugleg og allt bara rosalega jákvætt og við alveg í skýjunum. Henni finnst samt soldið erfitt ennþá að rekast á mig og verður frekar fúl þegar ég þarf síðan að kveðja aftur. Hún þarf bara að læra á þetta sem fyrst Við fórum í síðbúið afmæli hjá Iðunni áðan og mín tók upp á því að vera rosalega feimin og þykjast ekkert vilja með fólkið hafa. Og mikið skelfing sem henni fannst Kolur hryllilegur! Eiginlega bara ógeðslegur - ef ég á að segja eins og er! Hún jafnaði sig nú fljótlega sem betur fer en þetta var samt dálítið skondið!
Á morgun förum við svo loksins loksins í ofnæmisprófið. Það verður fínt að fá þessa hluti á hreint upp á það ef hún fær aftur í eyrun á næstunni og svona. Það er samt ekki laust við það að ég sé með hnút í maganum en vonandi gengur þetta bara allt saman vel!
Jæja - það er svosem ekkert merkilegt í fréttum. Jú - mér telst til að stúlkan sé komin með hvorki fleiri né færri en þrettán tennur. Mér finnst það nú bara alveg dágóður slatti í ekki stærri munn! En látum þetta gott heita í bili - þið heyrið svo bara síðar hvernig prófið fór…

Það er pirruð lítil mús hérna í Fellsmúlanum þessa dagana! Við vitum svosem ekki fyrir víst hvað er að angra hana en það er ekki ólíklegt að það gæti verið eyrnabólga! Við vonum að sjálfsögðu að svo sé ekki - en við fórum með hana til læknis á þriðjudag og þá var vökvi í eyrunum. Síðan á miðvikudeginum fékk hún rosalega ljótan hósta og var alveg stútfull af hori svo kannski hefur eitthvað versnað síðan þá. Við krossum bara putta og vonum ekki því hún á tíma í ofnæmisprófi eftir 9 daga.
Hún er ótrúlega dugleg á leikskólanum! Mér finnst líka algjört æði að geta fylgst með henni og stelst oft á dag að kíkja á hann inn um kýraugað á hurðinni. Í gær sá ég hana í fyrsta skipti sitja eina á gólfinu en ekki í fanginu á kennurunum og leika sér sem hlýtur að vera stórt framfaraskref! Í gær gekk hún líka grátandi frá mér og inn á Hlíð … frekar skondið. Hún vissi semsagt að hún ætti að fara þarna inn og var alveg til í það en gat alls ekki látið hjá líða að gráta ef vera skyldi að ég myndi hætta við Það eru að bætast við ný orð hjá henni á hverjum degi og hún er mjög dugleg að nota þau. Það eru þó ekki allir sem skilja hana en mest notaða orðið þessa dagana (að nei og mamma undanskildum) er sérðu sérðu Hún lærði líka bæði að segja hoppa og að hoppa á fimmtudaginn og er það mikið sport!
Helgin verður bara róleg enda Óli að vinna og við mæðgur ætlum bara að skrölta aðeins um - kíkja á Iðunni frænku keppa og svon ýmislegt bara
Enn og aftur - endilega verið dugleg að skrifa í gestabókina hjá okkur :*

Ég var að setja af stað flutning á kjarni.org léninu. Síðan gæti því legið niðri næstu daga, vonandi ekki lengi.

Góðar stundir.

Vikan er búin að vera frekar róleg hjá aðalstelpunni í bænum. Við foreldrarnir erum hinsvegar búin að standa í ströngu! Saga Guðrún hefur verið gjörsamlega uppgefin og dagurinn að mestu farið í það að halda henni vakandi! Óli er búinn að mála litla herbergið svona líka fallega gult og í gær sáum við Steinunn um listræna útfærslu á barnaherberginu. Það var nú frekar hissa Saga sem vaknaði í gær og allt í einu var bara tilbúið 1.stk herbergi með öllu dótinu hennar! Amma Móna saumaði gardínur sem eru rosalega fínar og herbergið bara rosalega fínt. Ég keypti svo dótakistu og speglaflísar í IKEA og svo er hún með svona lítið borð og tvo stóla sem veita endalaus tækifæri til að klifra. Hún var búin að stoppa í svona 2mín í fína herberginu þegar hún var komin upp á stól og þaðan fór hún upp á borð & af borðinu upp á kommóðu og þar gerði hún heiðarlega tilraun til þess að kasta sér í gólfið. Í gærkvöldi var það svo reið Saga sem fór að sofa í nýja herberginu og fékk að koma upp í mömmuholu um miðnætti. Núna í kvöld var hún hinsvegar skotstund að sofna og sefur (7…9…13) enn eins og engill. Við ætlum að bíða aðeins með hina svokölluðu afvötnun eða þar til að hún er farin að mynda þol gagnvart leikskólanum - því hún er nógu þreytt þó hún fái fínan nætursvefn svo hún fær bara að lúlla hjá okkur í bili.
Við fórum í afmælisheimsókn til ömmu Mónu á föstudaginn og þar var Saga frekar hrifin af Ara frænda sínum. Hún er hætt að vera hrædd við stráka - en hún þekkir bara svo fáa því að hún á eiginlega bara frænkur! Í dag fórum við svo í afmælismat til langömmu Drífu og daman að sjálfsögðu mjög ánægð með athyglina og frænkurnar sínar! Hitti meira að segja eina frænku sem hún hefur aldrei séð áður - og setti í brýrnar og var frekar hissa en staldraði nú samt góða stund í fanginu á henni áður en hún vildi til mömmu sinnar! Á morgun hefst svo ný leikskólavika sem vonandi mun ganga vel! Ég var heima einn dagí seinustu viku og Saga vildi bara vera hjá Beintunni sinni! Litla músin mín! Hún varð alveg bara brjáluð þegar Beinta hvarf úr augsýn…æi mér finnst þetta svo sætt! Greinilegt að hún tengir hana við öryggið hérna heima og svona

Það er sko uppgefin lítil Saga Guðrún sem við eigum þessa dagana. Ástæðan er jú sú að það tekur á að vera á leikskóla! Hún er svo rosalega dugleg að ég á eiginlega ekki til orð! Hún fór í heimsókn, var svo í klst og hefur svo verið sína fjóra tíma alla daga síðan! Hún lætur nú kennarana sína hafa fyrir sér og er dálítið óörugg en það er alveg sama! Í gær fór hún út að leika í gær - ótrúlega sæt í snjógallanum og kuldaskónum sínum og var meira segja farin að staulast um með smá aðstoð! Í gær fórum við líka á Selfoss að heimsækja Darra Jökul og foreldra og Saga var svo þreytt og öfugsnúin að við stoppuðum bara stutt. Þau gáfu hvort öðru afmælisgjafir og Saga var hrifnust af því sem við gáfum Darra og öfugt Þau eru bara sætust!
Í dag var mest lítið gert - Saga þreytt og pirruð og svaf mjög mikið og var svo sofnuð snemma líka. Ég var líka í einhverju í óstandi en við skruppum samt og keyptum lás á klósettsetuna og efni í gardínur því prinsessan er á leið í eigið herbergi! Nýjustu kúnstirnar hennar eru að gera eins og bílinn (bruuuuummm) og segja “dótið.”
Á leikskólanum er hún líka rooosalega spennt fyrir Beintu Mariu Hún vill alltaf tala við hana og það er svo mikið fjör að stela sér fari á kerrunni. Þá situr hún í fanginu á Beintu og Beinta heldur utan um hana og við brunum um! Beintu finnst þetta síst leiðinlegra og hefur svo mikið að segja henni Sögu. Þær eru dásamlegar saman - sætu stelpurnar mínar! Það virðast líka flestir krakkarnir hlada á leikskólanum að ég eigi þær báðar og voru rosalega hissa þegar Saga kom: “áttu tvær stelpur?” híhíhí - ekki alveg svo gott!

Saga Guðrún leikskólastelpa er ekkert smá dugleg Við fórum kl. 8 í gær og ég var með henni í tæpan klukkutíma … svo var hún ein í klukkustund og skældi bara hreint ekki neitt - var bara svolítill segull á kennarann sinn en það lagast þegar hún fer að venjast!
Í dag mættum við aftur kl.8 og ég var í rúman hálftíma en þurfti svo reyndar að koma að gefa henni að borða! Það var ekki það sama að borða grautinn hjá mér og hjá kennaranum! Svo fór hún í tónstund að dilla sér og voða stuð á henni - kom síðan til mín í kaffinu og var síðan bara mjög góð. Ég segi það ekki - hún var að sjálfsögðu rosalega fegin þegar ég kom að sækja hana Annars er hún voðalega kvefuð og er alveg spurning um morgundaginn hvort hún fari eða fái að vera hjá Steinunni! Ég hætti kl.11 á morgun og það er stór samverustund sem væri ábyggilega gaman fyrir Sögu að fara á en það kemur bara í ljós! Við erum nefnilega að fara í jarðaför hjá langalangafa hennar Sögu og hún ætlar að vera hjá Steinunni á meðan!

Í fréttum er þetta helst …
Saga Guðrún byrjaði í aðlögun á leikskólanum í dag
það gekk alveg ágætlega.
Saga Guðrún var í 12 mánaða skoðun í dag.
Hún er 8.5 kg og 74 cm - alltaf sama títlan.
Saga Guðrún var MJÖG reið yfir vigtunina, mælingunni svo ekki sé minnst á sprautuna!

Tinna Mjöll klukkaði Sögu svo ég ákvað að skrifa fimm staðreyndir um hana!

1. Ég er sætasta og duglegasta stelpan í heiminum! (Ritarinn algerlega hlutlaus)

2. Ég veit sko sannarlega hvað ég vil og læt sko ekkert yfir mig vaða.

3. Ég er algjör fjörkálfur.

4. Ég er alveg eins og pabbi minn nema með hárið hennar mömmu.

5. Ég er að byrja á leikskóla og er rosa spennt!

Við erum voða hugmyndasnauðar um hverja við eigum að klukka en hún Beinta María fær eitt klukk og jafnvel Levi líka