Saga Guðrún & Arney Vaka

Litla fjölskyldan er sko aldeilis búin að hafa það gott um páskana. Við erum búin að vera alveg á fullu í félagslífinu Búin að fara í þrjú matarboð og eina skírn og fjórða matarboðið á morgun! Saga Guðrún er sko alveg ótrúleg! Hún var ekki allskostar sátt með matarboðið á föstudaginn langa og orgaði ansi vel til að byrja með. Svo eftir pínu lúr tók hún sig saman í andlitinu og var hin mesta selsskapsdama undir lokin. Á laugardeginum grenjaði hún úr sér augun hjá ömmu & afa á meðan við fórum í kirkjuna í skírn og lék svo á alls oddi í veislunni sjálfri. Í dag var hún svo alveg í miklu stuði í báðum matarboðunum sem við fórum. Í kvöld fórum við til langömmu Drífu og þar hitti hún Kolbrúnu Örnu orkubolta sem var aldeilis til í að hoppa og skoppa fyrir litlu frænkuna sem alveg stóð á öndinni af hlátri. Hún gætti þess samt vandlega að sýna þeim líka að hún kunni að væla Eftir að hafa borðað svínabóg í hádegismat og kalkún í kvöldmatinn vorum við skyndilega uppfull af orku og tókum til við að taka til og laga íbúðina betur. Setja upp myndir og allskonar skemmtileg heit! Eins gott að geta sagst hafa komið einhverju í verk í páskafríinu!
Það er alveg fullt af nýjum páska myndum Endilega commenta á þær og eins senda okkur kveðju!

Sögulúsin er búin að vera dálítið lítil í sér undanfarna daga og hreint út sagt og búin að vera voðalega hvekkt. Það virðist samt ekkert sérstakt vera að hrjá hana heldur er hún bara eitthvað hálfþreytt eins og fleiri. Páskafríið verður notað til að kúra og slappa af - af því að það er svo margt annað búið að vera í gangi síðan hún fæddist Hún var nú ekkert alltof þæg í pössuninni á laugardaginn en það gengur bara betur næst! Óttar Már frændi hennar kom líka í heimsókn og kyssti og Saga Guðrún var bara ekki alveg klár á því hvernig hún átti að taka þessum töffara. Annars er voðalítið búið að vera í gangi, borðuðum hjá ömmu & afa, fengum Ingunni & Tinnu í heimsókn. Það var nú dálítið fyndið að Saga Guðrún varð alveg logandi hrædd við Tinnu þar sem hún er búin að uppgötva að öskra. Í dag kom svo Beinta María sætasta í smá pössun og Sögu leist sko ekki á blikuna. Hún öskraði bara af öllum kröftum, roðnaði og blánaði og vildi ekki sjá þennan gest. Ástandið skánaði bara ekki að ráði fyrr en Halli uppáhald kom í heimsókn Beintu fannst nú dálítið fyndið bara að það væri hægt að hræða þessa litlu vitlausu stelpu svona og reyndi alveg að taka svolítið í hana.
Annars er hún farin að borða mikið meira og vera rosalega dugleg og svo fær hún líka orðið vatn úr stútkönnu og það gengur bara voða vel. Nú er bara spurning um að fara að auka við úrvalið … hún sefur líka yfirleitt alveg ágætlega yfir nóttina er farin að vakna pínu oft aftur … held ég nú aðallega til að fá knús. Ég er nú aðeins að gefa eftir og hún fær að lúlla sér upp í stund og stund. Svo lúrum við saman fram undir hádegi þessa dagana þar sem við erum voða latar og þreyttar. Ég á bara tvo mánuði eftir af orlofinu og eiginlega orðin pínu skelfd. Hlakka svo til þegar haustið kemur aftur

Saga Guðrún fór í sína fyrstu læknisheimsókn fyrir utan ungbarnaeftirlitið og eina heimsókn á bráðamóttökuna á þriðjudaginn. Að baki lá 10 daga kúkaleysi og ýmislegt búið að reyna. Eitthvað var mikið að gera hjá lækninum og við þurftum að bíða í 25 mínútur eftir lækninum. Á biðstofunni þá tók barnið til við að blána og roðna og rembast eins og hún fengi borgað fyrir það og læknisheimsóknin endaði á því að við skiptum á henni á meðan læknirinn hló og gaf okkur nokkur ráð! Þetta var nú frekar skondin heimsókn!
Annars erum við bara búnar að gera ekki neitt í vikunni. Erum að hugsa um að fara á októberbarnahitting á morgun ef allir verða hressir. Svo ætlum við að gerast djörf og skrópa í sundi því Iðunn er að fara að taka svarta beltispróf og við ætlum ekki að láta okkur vanta í stuðningsmannahópinn. Saga ætlar samt bara að vera heima og senda góðar hugsanir … hún verður í pössun hjá ömmu Eddu Hún er hætt í velti-verkfallinu og búin að velta sér í allar áttir undanfarna daga. Það er líka eiginlega komið á hreint að hún er mikið hrifnari af karlmönnum en okkur kvenfólkinu nema þá auðvitað mér og ömmu Mónu. Halli er í sérlegu uppáhaldi hjá henni … Síðan uppgötvaði hún tunguna nýlega og er heldur betur dugleg við að ulla á allt og alla án þess að skammast sín neitt. Svo sleikir hún allt sem að kjafti kemur … Hún er líka búin að uppgötva fuglana og hana langar svo að ná í Kjöl. Kili langar svo aftur á móti alveg ofsalega til að láta þessa litlu putta klóra sér en treystir þeim ekki alveg og þau eru alveg hreint kostuleg. Loksins er hún svo búin að skila 10 daga birgðunum af úrgangi, fór svo í bað í baðsætinu og skemmti sér ljómandi vel - alveg sama þó maður skvetti yfir andlitið og allt. Svo fékk hún nudd, sopann sinn og graut og er bara alsæl að spjalla við afa sinn í símanum akkúrat núna!

Saga Guðrún heldur bara áfram að stækka og þroskast alveg á fullu … hún verður bara fullorðnari með hverjum deginum! Hún er farin að blaðra út í eitt (hvert ætli hún sæki það eiginlega?) Seinasta vikan leið bara í rólegheitunum … ég var lasin og við vorum bara heima í letilífi. Á föstudaginn fórum við svo í heimsókn til afa Kjartans & svo í idol-partý til Ingunnar, Gumma & Tinnu. Stelpurnar tóku því bara með mikilli ró þó þær hafi nú með aðstoð feðra sinna tekið nokkur létt spor þegar spennan var sem hæst. Svo steinsváfu þær af sér úrslitin Sama var ekki hægt að segja um okkur hin sem vorum æsispennt! Svo í gær var sund og Saga Guðrún var ekki neitt lítið dugleg! Hún hló og sprellaði, talaði við kennarann og fullt af fólki. Hún kvartaði svolítið þegar hún var að kafa en lét sig samt alveg hafa það … meira segja var hún látin stinga sér lengst ofan í - alveg á hvolfi og skældi bara smá Í dag ætlar hún svo að fara í pössun til ömmu & afa því ég ætla að fara að heimsækja músluna hana Beintu upp á spítala! Það er ekki alveg sniðugasti staðurinn til að fara með Sögu á í bili en hún verður ábyggilega bara sæl og ánægð að vera hjá ömmu & afa …

Þá erum við búin að fara í þriðja sundtímann og daman stóð sig alveg eins og hetja! Hún var ofsalega dugleg og kafaði meira að segja án mótmæla nokkrum sinnum. Við fengum samt alveg líka aðeins að heyra það … en hún var samt rosa dugleg! Eftir sundið fórum við í afmæli til Ara en hann á 9 ára afmæli í dag. María frænka á líka afmæli og við vorum í afmæli hjá henni núna í kvöld og svo á Garpur sæti afmæli líka … en ég gleymdi því samt Í dag fórum við og keyptum handa henni matarstól þar sem hún verður alveg brjáluð á matartímum því henni finnst hún vera að missa svo af. Hún situr nú ekki nógu vel í honum til að geta borðað þarna strax en hún getur setið þarna á meðan við borðum og verið með Hún vaknar meira að segja um leið og við ætlum að borða og það bregst ekki! Ég veit ekki hvort maður eigi að þora að segja það en ég er ekki frá því að mannafælnin sé að skána í rófunni … En henni var nú samt stórlega misboðið þegar að ég bauð henni að drekka í Kópavoginum í kvöld! En hún fer að vera svo dugleg að borða að það má bjarga svoleiðis aðstæðum með mauki … ef út í það er farið … Henni finnst sveskjumauk alveg ofsalega gott nefnilega. Svo er hún bara byrjuð að vera hið mesta matargat og lætur heyra í sér ef grauturinn er of lengi að berast ofan í hana! Enda er hún að stækka og fitna eins og hún fái borgað fyrir það og hakan og kinnarnar farnar að vera í betra samræmi við restina af henni

Hér í nýju íbúðinni er allt í fínasta standi. Við erum svo gott sem búin að koma okkur fyrir, nema að það á eftir að mála herbergið fyrir prinsessuna og setja það í stand en það er á dagskrá næstu daga. Saga Guðrún er alveg duglegust af öllum þessa dagana … kjaftar út í eitt og er farin að myndast við að sitja Hún er líka farin að vera miklu duglegri við að vera sjálfri sér næg og í gær gleymdi ég henni næstum því - hún var svo góð á gólfinu að leika. Yfirleitt er ekki hægt að leggja hana frá sér nema í svona 5 - 10 mín í mesta lagi Við mæðgurnar erum búnar að vera á miklu flakki og hún er bara ánægð með það. Hún vill ennþá ekki drekka nema á nokkrum útvöldum stöðum og helst að sjálfsögðu heima hjá sér en mér finnst hún samt aðeins vera farin að lagast með þetta óöryggi. Vonandi er þetta bara tímabil sem er að ganga yfir. Í dag ætlum við að fara aðeins á flandur með Ingunni & Tinnu Mjöll og svo ætla þær að koma í heimsókn til okkar Munur að búa í höll þar sem er hægt að bjóða fólki inn Svo er sund á laugardaginn og hittingur á sunnudag og svo verður ráðist í prinsessu herbergið Alltaf nóg að gera hér…
Má ég minna á gestabókina og commentin … bæði hér og á myndunum ?