Saga Guðrún & Arney Vaka

Jæja þá er netið loksins komið í gang aftur og kominn vikuskammtur af nýjum myndum Saga Guðrún tók flutningunum með hinu mesta jafnaðargeði og hefur bara verið pínulítið óróleg síðan. Hún ákvað að taka þetta með trompi og hefur sofið eins og engill allar nætur í sínu rúmi nema fyrstu nóttina en þá fékk hún að koma upp í. Daman er annars alveg að verða sköllótt Hún er með risa skallablett á hnakkanum, einn á hvorri hlið og ofan á hausnum eru bara strý eftir. Hún er hinsvegar með sítt að aftan og fínasta kraga Við fórum í ungbarnasund á laugardaginn og í byrjun hló hún svo að það ískraði í henni en gamanið tók heldur að kárna þegar það var komið að því að kafa. Allt annað fannst henni bara mjög skemmtilegt! Við erum búnar að kíkja í Hitt Húsið, fara á októberbarnahitting, fara í tvö afmæli og nokkrar heimsóknir. Vorum svo duglegar hérna í gær að við fórum í strætó ferð til Ingunnar & Tinnu og löbbuðum svo þaðan til Maju frænku þar sem Óli kom og sótti okkur Við erum svo að spá í að vera höööörkuduglegar á næstunni við að fara í göngutúra þó að það sé nú ekki mjög spennandi göngutúraumhverfi hér í hverfinu Ég er ábyggilega að gleyma einverju ferlega merkilegu en það fær þá bara að fljóta með næst

Jæja þá erum við að flytja í dag! Saga Guðrún finnur það greinilega á sér að hér stendur eitthvað til og er sko ekki til í að vera meðfærileg í augnablikinu! Hún fæst varla til að sofa neitt og vill hafa manninn á sér bara Litla drottningin Tölvan verður sjálfsagt það seinasta sem pakkað verður niður og það líklega bara rétt áður en við Saga skoppum út úr dyrunum til ömmu & afa þar sem hún ætlar að vera í pössun á meðan við hin reynum að flytja.
Við fáum svo ekki netið fyrr en um miðja næstu viku …. svo gallharðir aðdáendur verða að vera án frétta og mynda í viku eða svo

Hér á bænum er ekki hangsað við hlutina! Þegar við vöknuðum í morgun var tönnin bara ein í neðri góm og daman sæl með að fá smá nudd á góminn. Svo fórum við Saga í mömmuhitting hjá Guðrúnu & Stefaníu Dís og þar var hún að kjafta við mig og viti menn … var ekki bara tönnin góða komin með félaga sér við hlið! Það á greinilega ekki að hangsa við tanntökuna frekar en annað og hrikalega sætt að sjá glampa á þær þegar maður hlær eða grætur!

Þá erum við búin að fara í fyrsta sundtímann okkar og það gekk bara mjög vel Saga var nú ekkert alltof ánægð með þetta samt og lét aðeins í sér heyra. Hún var voða dugleg að standa í lófanum á pabba sínum og á bringunni og fannst það ekkert voðalega slæmt að láta skvetta yfir sig. Í næsta tíma kafar hún svo líklega Ég var pínu tense með hana í vatninu en þetta kemur! Hún sofnaði svo um leið og hún var komin í útigallann og í stólinn en vaknaði á leiðinni inn úr bílnum og vildi sko borða alveg um leið! Hún er náttúrulega svo rosalega mikil drottning að það mátti ekki bjóða henni upp á að drekka í sundinu … maður vill borða heima og hvergi annars staðar! Við erum strax farin að hlakka til næsta tíma! Svo í kvöld förum við í Kópavoginn því afi Kjartan á afmæli Vonandi að daman verði vöknuð og hress!

Haldiði ekki að hún Saga Guðrún sé bara komin með tönn! Ég uppgötvaði hana í dag en var ekki alveg með á tæru hvort hún væri komin í gegn en viti menn, það heyrðist bara greinilega þegar ég prófaði að banka laust í hana Tönninn merkilega er í neðri góma vinstra megin fyrir áhugasama aðdáendur. Pabbi hennar varð ekki lítið hissa og spurði mig meira að segja hvort ég væri viss umm að þetta væri tönn Hún er ekkert smá fljót þetta skott…14 1/2 vikna að fá fyrstu tönnina sína Hér eru “smá” stoltir foreldrar í dag :)

Þá erum bara tíu dagar eftir hérna í Eskihlíðinni! Maður ætti kannski að hugsa sér til hreyfings og fara að pakka og svona - en við erum alveg pollróleg yfir þessu öllu.
Við erum hætt við aftur að gefa Sögu Guðrúnu graut í bili þar sem henni virtist bara líða illa af honum. Henni líður ekkert illa af því að vera bara á brjóstinu - er að þyngjast vel og sofa vel og því ekkert því til fyrirstöðu að láta það duga í bili.
Ég held að það sé ekki hægt að segja annað en að rófan litla sé með smá skap. Mannafælustælarnir í henni eru ekkert á undanhaldi - heldur fer það bara eftir því hvernig hún er stemmd hvernig hún tekur fólki. Það nýjasta hjá henni er svo það að í öðrum húsum er ekkert á dagskránni að drekka - það kostar grát og gnístran tanna. Hún til dæmis var alveg vitlaus í gær á því að vera úti og það liðu næstum fimm tímar þar til ég fékk hana til að drekka. Það tóks á endanum með því að breiða sæng upp fyrir haus og þrjóskast við að halda henni á brjóstinu. Þetta er alveg voðalega erfitt ástand Hún gerði þetta líka á föstudaginn að góla bara þegar henni var boðið að drekka og var alveg snar. Svo í öllum hamaganginum þá svelgist henni á því hún byrjar alltaf aðeins að drekka og æi… þetta er bara ekkert skemmtilegir stælar í henni Bara spurning um hvort að hún verði bara ekki að vera orðin veeeel svöng. Við vorum svona að spá í að fara á svona mömmuhitting á morgun en það verður að koma bara í ljós hvort við höfum taugar í það… amk erum við bara heima í dag að safna kröftum eftir þetta stríð í gær. Þetta tekur soldið á taugarnar hjá okkur báðum! Ég er alltaf að bæta inn myndum við og við og minni enn og aftur á gestabókina og það allt =)

Við fórum í 3ja mánaða skoðunina í morgun og gekk það bara mjög vel. Hún er orðin 5855 gr og 62.5 cm. Að sjálfsögðu rosalega fín stelpa Hún tók varla neitt eftir sprautunni - kjökraði aðeins en var fljót að gleyma því þegar hún sá okkur. Læknirinn mælti með því að við færum að gefa henni graut … því hún má alveg bæta meira utan á sig - hún talaði um að hún hefði átt að vera búin að tvöfalda fæðingarþyngdina núna og það vantar ca 500 gr upp á það. Við vorum bara sátt við það og hún fékk graut í fyrsta sinn í kvöld.
Henni fannst þetta nú bara alveg hreint ágætt - varð svolítið hugsi á svipinn en brosti síðan út að eyrum og skellihló. Smjattaði síðan í langan tíma á eftir á grautnum og bara sæl og ánægð! Kannski bara lítið matargat hér á ferðinni - virðist stefna í það þar sem henni finnst sveskjusafi æði og alsæl með grautinn sinn