Saga Guðrún & Arney Vaka

Tímnn flýgur því skvísan er orðin þriggja mánaða … Hún er voðalega hress þessa dagana, virðist ekkert vera að angra hana og hún er eiginlega hætt við að gerast mannafæla nema hún eigi eftir að líkjast mér eitthvað í þeim efnum. Við skulum nú vona ekki en ég get nú ekki að því gert að mér finnst svolítið fyndið þegar hún tekur þessi köst sín … en það er auðvitað vegna þess að ég er alltaf vinsæl á þessum bæ Við erum aðeins byrjuð að reyna aftur með pelann en það er ekki alveg að ganga … henni virðist hreint og beint bjóða við svona silicon túttum - sama hvort þær eru á snuði eða pela. Það er á dagskránni að kaupa aðra tegund og þá með latex túttu og vonandi gengur það betur!
Við fórum á fyrrverandi bumbuhitting í gær og það var rosagaman. Svo fórum við í vikulega idol heimsókn og til Steinunnar í þetta skipti. Saga Guðrún svaf það að mestu af sér en brosti út að eyrum þegar hún vaknaði og hlustaði á Heiðu syngja … greinilega með ágætis tónlistargáfu barnið Svo er það 3ja mánaða skoðun á þriðjudaginn með sprautu Vonandi kippir hún sér ekkert upp við það og hún er sjálfsagt búin að þyngjast eins og herforingi a.m.k. miðað við nýtilkomnar fellingar og þannig …
Ég vildi bara skrifa smá línu svona í tilefni dagsins og þakka fyrir viðbrögðin við hvatningunni um að láta vita af sér hér á síðunni …

Saga Guðrún er öll miklu hressari og alveg steinhætt við að fara eitthvað að veikjast! Hún er bara með hor í nös og nóg af því! Við kíktum í Hitt Húsið í dag og það var fínt. Við fórum með Ingunni & Tinnu Mjöll og það mætti reyndar bara ein önnur mamma í dag. Vonandi kynnumst við fleirum næst Annars er það helst að frétta að við erum að fara að flytja á næstu vikum eða svona vonandi! Saga er náttúrulega rosalega spennt yfir því Við fórum að skoða í gær og núna á bara eftir að ganga frá hvenær við fáum hana. Saga fær sér herbergi (sem hún er nú reyndar með hér) en svefnherbergið er svo stórt að hún verður að vera sem uppfylling þar en það er stærra en stofan hér! Eins frábært og það er að vera hérna þá verður þetta rosalegur munur fyrir okkur!
Annars er allt við það sama hérna - ætlum að kíkja á fyrrverandi bumbuhitting á morgun og svo á idol hjá Steinunni & Halla. En þau pössuðu Sögu í gær þegar við fórum að skoða íbúðina og af tillitssemi við aumingja Steinunni sem er búin að vera veik ætlaðist Saga til þess að það væri sungið fyrir sig allan tímann. Þetta gekk samt allt mjög vel - og ég var ekki einu sinni neitt óróleg! Núna þarf hún að fara í pössun fljótlega þegar við flytjum en hún fer létt með það … vona ég! Svo byrjum við í ungbarnasundi 12.febrúar og það verður vonandi gaman - við þurfum að fara að kaupa sundföt og svona á skvísuna. Gaman gaman gaman…

En mig langar samt að hvetja ykkur öll sem komið hérna að skoða til að skilja eftir kveðju í gestabókinni eða hérna fyrir neðan færslurnar. Það er svoooo gaman að fá kveðju og ég veit að það er fullt af fólki sem kíkir og skrifar aldrei Svo má líka minna á að það er hægt að skrifa athugasemdir við myndirnar og það er voða gaman líka :)

Hér á bænum er mér farið að batna en það er nú ekki nógu gott þar sem kvefið mitt virðist hafa tekið sér bólfestu í Sögu. Hún er alveg stútfull af hori - hóstar og kúgast svo á öllu saman. Greyið litla er ferlega aum. Við lágum upp í rúmi í morgun og hún andaði eins og fýsibelgur og svo allt í einu fór hún að anda með munninum og var alveg steinhissa á þessu öllu saman - ekki alveg sátt við að vera svona stífluð.
Annars fórum við að heimsækja Beintu sætu í gær. Saga var bara nokkuð sátt svona miðað við að vera í öðrum húsum og grenjaði ekkert mikið. Beinta var alsæl að fá okkur í heimsókn og fannst æði að fá Sögu Guðrúnu í fangið. Sú er sko flott barnapía. Svo þegar hún fór að gráta reyndi Beinta að klappa henni. Þær eru sko án efa langflottastar Svo var Leví líka svolítið spenntur fyrir henni en hann vill ekki enn halda á henni því hann er svo þungur. Í staðinn lagðist hún bara upp í rúm til hans og fékk knús þar Núna er planið að halda sig heima og vera hlýtt og láta sér batna. Það er nr. 1,2 og 3 á þessum bæ

Hér gengur lífið sinn vanagang - stelpan komin í fína rútínu og allt gengur bara vel. Hún fer að sofa svona um miðnætti í síðasta lagi og vaknar svo bara eins og mamma sín við vekjaraklukkuna og hjálpar til við að reka pabbann á fætur. Fær sér svo að súpa og sefur svo til hádegis aftur. Ég er að sjálfsögðu alsæl með þessa rútínu! Við dundum okkur bara hérna heim en í vikunni fórum við að hitta Ingunni & Guðrúnu Rósu með Tinnu & Stefaníu Dís og það var rosa fjör. Við fórum svo öll þrjú til Ingunnar & Gumma í gær og við Ingunn (eða aðallega Ingunn samt) eldaði voða fínan bóndadagsmat ofan í kallana. Sögu leist ekkert rosalega vel á þessa heimsókn og átti voðalega bágt framan af. Þegar við vorum að fara heim seint og um síðir ákvað hún þó að það væri nú betra að sýna að hún hafi vald á brosvöðvunum. Þegar við svo komum heim þá var hún í sínu besta skapi! Ég held að hún vilji bara vera heima svo ég ætla að vera duglegri að fara með hana út. Við erum að bíða eftir að þessar pestir slaki aðeins á og þá ætlum við í heimsókn á Lyngás. Reyndar er ég hálflasin en það er nú allt í lagi á meðan Saga Guðrún er hress. Hún er bara stífluð en annars mjög hress bara. Hún er farin að reyna að velta sér meira og farin að sýna dóti rosalegan áhuga … fylgist mikið með því og reynir að taka það! Hún er lítill dugnaðarforkur þessi litla dúlla Við ætlum bara að fara að fylgjast með HM í handbolta á næstunni, athuga húsnæðismál og dúlla okkur áfram. Mér finnst hörmuleg staðreynd að ég eigi bara fjóra mánuði eftir í fæðingarorlofi *grenj* Mig langar ekkert að fara að vinna aftur heldur bara vera að dúllast með snúllunni. Það verður samt vonandi voðalega fínt hjá þeim feðginunum í sumar. Hér er verið að baka pizzu og í kvöld er stefnan að fara að fara yfir allt myndirnar af dömunni til að láta framkalla og setja í albúm. Það verður skemmtilegt verkefni

Saga Guðrún ákvað það í seinustu viku að sér fyndist óþarfi að kúka og tók sér átta daga pásu. Vitandi að það teljist nú alveg eðlilegt hjá börnum sem eru á brjósti náði ég ekki að sannfæra sjálfa mig og hafði af þessu talsverðar áhyggjur. Núna er ég hinsvegar búin að sjá að hún var bara að reyna að fita sig meira - því hún hefur fitnað eins og hún fái borgað fyrir það! Ótrúlegt en satt … þá hafa kinnarnar og undirhakan stækkað og hún er komin með heljarinnar fellingar á lærin - langflottust að sjálfsögðu! Maja frænka minntist nú á það á myndasíðunni hennar að hún væri farin að líkjast múmínálfi og ég er ekki frá því að það sé rétt. Enda er snorkstelpan ferlega sæt Ég fór í leikhús í gærkvöldi og þetta var semsagt það lengsta sem ég hef farið frá Sögu. Að sjálfsögðu hringdi ég heim í hlénu og þá voru þau feðginin að fá sér pela og allt í góðu standi. Þegar ég svo kom heim næstum tveimur tímum seinna var hún búin að vera brjáluð. Hún hefur semsagt verið með einhverja magakrampa eða vindverki eins og þegar við fórum upp á spítala um daginn og var ekkert smá reið. Sennilegast samt magakrampa því að hún ældi svo hrikalga þegar hún var búin að drekka hjá mér Hún hefði sjálfsagt fengið magakrampann hvort sem ég hefði verið heima eða ekki en það breytir því ekki að ég er að hugsa um að vera ekkert að fara svona lengi frá henni aftur í bili. Hún tók svo annað kast eftir ælurnar og bleyjuskipti og að lokum fékk anginn litli stíl og steinsvaf í nótt.
Við mæðgurnar erum einar heima í dag þar sem Óli er að vinna og erum búin að eyða megninu af deginum sofandi upp í rúmi þar sem ég var meira og minna andvaka og Saga er alltaf til í að sofa ef einhver vill sofa með henni. Við skriðum nú samt á fætur og hún situr núna í ömmustólnum sínum og er að leika með leikslána sem hún fékk í jólagjöf en hún er orðin ferlega dugleg að skoða dótið og reyna að slá í það! Ekkert smá sem hún er dugleg þessi litla lús … ótrúlegur kraftur í henni!

Úff … mér finnst svo erfitt að finna alltaf titla á færslurnar hérna. Eiginlega alveg glatað bara … en að öðru!
Ég kíkti á útsölur á mánudaginn - og þræddi allar barnafatabúðirnar. Next & Polarn&Pyret eru núna í uppáhaldi - held að mig langi nú svo í hér um bil allt í báðum búðum - verst hvað P&P er dýr Þar sem að Saga hafði lítið sem ekkert sofið seinustu tvo sólarhringana flaut hún með, vel pökkuð ofan í vagn og steinsvaf allan tímann. Þessi lúr kom henni á bragðið og hún er búin að sofa eins og henni ber síðan … heillengi á nóttunni og sirka tvo lúra á daginn.
Það er kominn alveg rosalegur kraftur í hana! Þegar ég rumskaði eihnvern tímann í morgun eftir að Óli fór í skólann var hún komin þversum í rúmið og með hausinn í síðuna á mér Hún er farin að sofa einn langan dúr á nóttunni í rúminu sínu og voða ánægð þar.
Í gær fórum við að hitta nokkrar mömmur og krakkana þeirra og það var rosa gaman. Ég var aldursforsetinn af mömmunum - pínu fyndið! Saga var voða vælin og steinsvaf þess á milli. Í dag erum við bara heima en erum að hugsa um að kíkja niður í Hitt Hús á morgun í mömmu hitting - reyna að hafa nóg að gera Það eru alltaf að koma nýjar myndir á síðuna … þó ég skrifi ekki færslur

Saga Guðrún er á fullu að uppgötva hreyfigetu sína þessa dagana. Við ákváðum að það væri kominn tími á það að setja upp grindarúmið hennar og Maja & Brynjar komu með það og því var skellt upp med det samme. Henni líst nú alveg ágætlega á það þó að það hafi ekki verið sérstaklega gaman að vakna einn þarna í fyrsta sinn! Núna er hún komin með spiladós og óróa við rúmið og er rosalega dugleg að fylgjast með því! Svo er vagninn hennar kominn í startholurnar til að fara út að labba - svo núna þurfum við bara að bíða eftir sæmilega hlýju veðri … við erum alltaf búin að vera á leiðinni en aldrei komið okkur af stað svona í jólaundirbúningnum og svona.
Það er heldur ekki nóg með að hún sé að uppgötva hreyfigetuna heldur er hún farin að sýna dótinu sínu miklu meiri áhuga. Það gengur ágætlega hjá henni að sofa á nóttunni - en í gær náði hún samt ekki að festa svefn í nær 18 tíma! Það lítur út fyrir að dagurinn í dag verði svipaður - eitthvað er að angra hana! Vonandi gengur það bara yfir hið fyrsta

Saga Guðrún fór í skoðun í gær og er orðin 5,3 kg og 59 cm - rosa flott stelpa. Hjúkkan var rosalega ánægð með hana. Við eigum að prófa að gefa henni malt extrakt í sambandi við þetta kúkastand á henni. Hún var ekkert rosalega hrifin af því í gær en vonandi gengur betur í dag.
Hún er orðin svo dugleg að reisa sig upp á handleggina og í gær gerði hún sér lítið fyrir og velti sér af maganum yfir á bakið Ekkert smá dugleg - núna gæti hún husanlega velt sér heilan hring ef hún ætlaði sér en ég vona að hún fatti það ekki alveg strax. Ég var samt ekki heima til að sjá undrið svo málið verður athugað í dag…
Hún fékk líka pela í fyrsta skipti í morgun og var ekkert rosalega hrifin. Það var nú samt bara brjóstamjólk í pelanum en henni fannst þetta nú soldið asnalegt fyrirkomulag og í fyrstu lak allt út úr henni. Hún sætti sig nú samt við þetta og fékk svo smá brjóst líka og var þess vegna bara nokkuð sátt. Ég er bara svona aðeins að prófa pelann hvort hún kæri sig um hann - þannig að það sé hægt að frysta poka og poka ef ég þarf að fara eitthvað - svona upp á von og óvon. Þessi fyrsta tilraun gekk alveg hreint ágætlega bara!
Hún er líka búin að gera það núna fjórar nætur í röð að sofa mjög lengi, byrjaði á 6 tímum, svo 7 svo 9 og nú í nótt svaf hún í 10 tíma! Og það liðu tólf tímar á milli þess sem hún drakk! Vonandi ætlar hún bara að finna þessa rútínu upp hjá sjálfri sér því þetta er rosalega þægilegt - ég tala nú ekki um af því að Óli er að byrja í skólanum á mánudaginn! Hún er náttúrulega svo mikil pabbastelpa að þetta er sjálfsagt samkomulag þeirra á milli!
Það er nóg að gera þessa dagana - Saga er að flýta sér að verða fullorðin og heldur að hún sé alveg að skríða í 5 ára

Aumingja litla rófan er búin að eiga alveg ofsalega bágt undanfarið Bæði er hún alveg þrælkvefuð og svo er eitthvað að angra hana - sennilegast svona rosaleg magakveisa! Hún byrjaði sunnudaginn á því að öskra bara meira og minna allan daginn og við ákváðum á endanum að hringja á læknavaktina sem sendu lækni heim að kíkja á hana - því við vorum hrædd um að hún væri að fá í eyrun. Læknirinn fann ekkert að henni en sendi okkur nú samt upp á Barnaspítala til að láta athuga málið þar sem hún er svona lítil. Þar tókst henni að vekja barn á biðstofunni með látum svo okkur var kippt inn. Þar var hún skoðuð og fékk svo stíl og loksins náði greyið að sofna. Læknarnir fundu ekkert að henni þar en fannst svona hrikalegir vindverkir sennilegasta skýringin. Hún steinsvaf svo allt kvöldið og alla nótina - alveg slegin út eftir stílinn. Svo var hún bara hress og kát í mest allan gærdag en svo er eitthvað aðeins að trufla hana í dag. Hún var voða fegin að komast í fangið á afa Adda þar sem hún svaf í mest allt kvöld og hann, afmælisbarnið að sjálfsögðu hæstánægður með það!
Við förum svo í skoðun í fyrramálið og vonum að við finnum eitthvað út til að létta henni lífið því það er ekkert lítið sem henni líður illa greyinu

Jæja - tíminn er óhugnanlega fljótur að líða. Mér finnst sko alls ekki vera ár síðan að við Óli vorum að kaupa flugmiðana út og plana ferðalagið okkar og núna er Saga Guðrún orðin tveggja mánaða!
Við höfðum það svona líka frábært í gærkvöldi! Við vorum í mat hjá Magnúsi & Guðrúnu ásamt Maju & Brynjari og ömmu Mónu & afa Adda. Og að sjálfsögðu krökkunum og ferfætlingunum. Fengum mat sem mér fannst geggjaður en fór ekkert voðalega vel í Sögu Hún vaknaði við sprengingarnar þegar klukkan nálgaðist miðnætti en róaðist fljótt aftur og steinsvaf yfir áramótin. Kolur var ekki alveg jafn rólegur og Saga, og á tímabili var ég með þau bæði í fanginu :S Þetta var í fyrsta skipti í nokkur ár sem ég náði tappadansinu í sjónvarpinu - alltaf jafn gaman! Eftir miðnætti fórum við svo í Kópavoginn og sátum þar aðeins fram á nótt og þar var Saga Guðrún í S-inu sínu, brosti og hló og var í miklu stuði. Að sjálfsögðu á þessum degi! Síðan var bara sofið meira og minna í allan dag og ekkert verið að hafa fyrir því að fara úr náttfötunum! Nema Saga sem er svakalega fín í bleikum kjól