Saga Guðrún & Arney Vaka

Það er aldeilis nóg að gera hjá okkur! Við erum búin að fara í þrjú jólaboð og eitt afmæli! Það er svona þegar maður er jafnvinsæll og Saga - maður er alveg hreint ómissandi í öllum aðstæðum - jafnvel þó maður sofi bara!
Við fórum líka í gær í heimsókn til langafa Gettu & Sigrúnar og þeim leist voða vel á dömuna - að sjálfsögðu. Það eru allir jafnsammála um að Saga Guðrún sé voðalega lík pabba sínum og systrum hans. Það er nú aldeilis flott enda eru þau öll svo sæt! Ég sé nú samt ennþá svip af afa Adda á henni en mest þegar hún er sofandi Síðan er það að eftir því sem tíminn líður þá verður hún líka meira og meira hún sjálf!
Hún fékk semsagt geislaspilara í jólagjöf frá okkur til að geta hlustað á tónlist fyrir svefninn. Við settum Beatles For Babies sem eru Bítlalög spiluð af spiladósum og svona í áðan þegar hún var búin að drekka og þvílíkt bros á barninu - sólskinbros og svo kom bara sæluandvarp. Við spiluðum þetta svolítið fyrir hana meðan hún var ennþá í bumbunni svo það er aldrei að vita nema að hún hafi kannast við tónana! Hún fékk líka röndótt náttföt í jólagjöf frá langömmu Boggu og er alveg bara hrikalega sæt í þeim Litli gleðipinninn okkar!

Þvílíkt og annað eins pakkaflóð á þessum bæ þessi jól Það var fáránlegt magn af pökkum sem við fórum með í Kópavoginn í gærkvöldi og komum heim með ennþá meira! Reyndar þá urðum við að fá að geyma megnið af pökkunum okkar í Kópavoginum í nótt til að koma Herka, ferfætta fóstursyninum heim frá Maju & Brynjari. Ég er ekki viss um að hann hefði gert sér að góðu að sitja ofan á matvinnsluvélinni eða pottasettinu Saga Guðrún var algjör prinsessa - ekkert smá flott í jóladressinu sínu og fékk alveg heilan haug af æðislegum gjöfum. Hún fékk fullt af fötum - meðal annars tvenna skó og var sko algjör skvísa í þeim! Hún fékk líka geislaspilara, “activity gym” sem ég kann ekkert íslenkt orð fyrir en það eru myndir í albúminu, bangsa og svo fékk hún hvorki meira né minna en fjórar bækur! Hún fékk tvö eintök af Dimmalimm, vísnabókina Klappa saman lófunum & svo Svona gera prinessur Síðan fékk hún líka gjafakort!
Við Óli fengum líka endalaust mikið af fínum pökkum og eina sem okkur vantar núna er stærra eldhús Á morgun ætlum við svo í hangikjötsveislu á Birkimelnum og vá, hvað verður erfitt að standast freistinguna. Ég sagði við mömmu að líklega fengi ég mér bara núðlusúpu þar sem að hangikjötið virðist fara í magann á skvísunni minni Síðan er líka smá boð í Kópavoginum og við ætlum að reyna að kíkja þangað líka. Svo er nóg að gera á næstunni, afmæli hjá Söndru, við ætlum að heimsækja langafa og svo jafnvel fleiri boð!
Ég er að fara að skila ferfætta fóstursyni mínum núna í kvöld því Londonfararnir eru á heimleið. Ég er ekki frá því að við séum öll sammála að það myndi alveg ganga að hafa eitt stykki hund hérna á heimilinu

Saga Guðrún réð sér ekki fyrir spenningi og ákvað þess vegna að sofa ekkert í nótt. Hún sofnaði þegar klukkan var langt gengin á átta í morgun. Þess vegna ætlar hún að taka því rólega í allan dag til að geta verið vakandi og hress í stuðinu í kvöld Annars datt ég bara hérna inn til að óska öllum sem hingað koma gleðilegra jóla! Ég var að koma heim úr jólagjafastússi og heimilisfólk allt á náttfötunum nema ég! Mér líst ekki á blikuna miðað við pakkaflóðið á heimilinu - þurfum sennilega að fara tvær ferðir með gjafir í Kópavoginn Neinei, það er nú svolítið ýkt - stærstu pakkarnir verða sjálfsagt bara geymdir heima og opnaðir seinna í kvöld Ferfætti fóstursonurinn er farinn í sitt jólaboð og kemur aftur í kvöld!

Það er nóg að gera hér sem annars staðar svona rétt fyrir jólin. Saga Guðrún tekur því samt ferlega rólega og ég sé um allt stressið! Óli klárar prófin á morgun og þá mega jólin eiginlega koma. Á þriðjudaginn kemur ferfætt fósturbarn í pössun fram yfir jólin svo við ætlum að reyna að klára sem mest á morgun. Amma Edda ætlar að passa stelpuna og ég er ekki frá því að við séum með pínu hnút í maganum Við Saga fórum á jólaball í dag. Ekki seinna vænna þegar maður er að skríða í tveggja mánaða aldurinn! Hún steinsvaf í gegnum allt ballið - vakti í smástund en þegar við fórum að syngja “höfuð herðar hné og tær” varð mér á að renna fingrunum yfir augun á henni á viðeigandi stað og bingó - steinsofnaði um leið! Ein lítil dama á jólaballinu hélt því líka fram að Saga væri dúkka og kom að kíkja á hana til að leiðrétta misskilninginn!
Ég var að setja inn heilan haug af myndum - nokkrar frá okkur og nokkrar frá Steina sem myndaði Sögu Guðrúnu í bak og fyrir á föstudaginn. Myndirnar frá honum eru bara geggjaðar :Þ

Myndatakan í gær gekk mjög vel! Tók um það bil 30 sekúndur að taka myndirnar og Saga Guðrún var varla farin að gráta þegar þetta var búið. Það þurfti að halda mjöðmunum beinum og svo aftur voru fæturnar beygðar upp og lagðar út á hlið. Við fáum svo vonandi símtal á morgun eða eftir helgi um hvort eitthvað hafi fundist að. Steinunn systir fór með okkur þar sem Óli var í prófi og hún spurði þær hvort að það væri rútína að koma með svona kríli í þessa myndatöku en þær sögðu að þetta væri mjög algengt. Eftir myndatökuna fórum við í vinnuna til afa Adda sem er nú ekki í frásögu færandi nema að daman gerði sér lítið fyrir og pissaði og kúkaði í gegnum bleyjuna og öll fötin og yfir afa sinn! Þegar því var lokið brosti hún bara framan í hann og hló þannig að það ískraði í henni - ferlega krúttilegt!
Við fórum svo aftur á svona mömmuhitting í dag - það var rosalega gaman og ábyggilega á milli 20 - 30 mömmur+börn! Þetta voru allt konur sem voru settar í október og þar í kring. Það var dálítið skondið að reyna að ná að mynda allan hópinn í hjónarúminu á heimilnu en ég held mér hafi tekist að ná einni góðri mynd. Aldrei ða vita nema ég skelli inn myndum af þessu við tækifæri.

Ég setti líka inn nýtt myndband í myndbandamöppuna fyrir nokkrum dögum ef einhver hefur áhuga.

Það er nóg að gera núna. Við Saga Guðrún erum að reyna að vera duglegar við að fara út og gefa Óla frið til að læra. Við fórum í gær að hitta nokkrar stelpur með krakka á svipuðum aldri og daman og það var rosalega gaman! Svo ætlum við að fara að hitta fleiri mömmur á fimmtudaginn.
Í dag fórum við í sex vikna skoðun. Daman tók þetta rosalega alvarlega og var sko ekki til í að brosa til þeirra og hvað þá að lyfta hausnum! Hún var búin að þyngjast um einhver 110 gr en sennilega talsvert meira þar sem að þetta var önnur vigt en venjulega. Þær voru að minnsta kosti mjög ánægðar með þyngdaraukninguna. Við erum svo á morgun að fara í ómskoðun á mjöðmum - læknirinn vildi meina að þetta væri rútínan en eftir að hafa talað við nokkra aðila þá hallast ég að því hún sé bara að tjékka til að vera viss…ég veit ekki. En við erum samt voða róleg - ég er bara soldið gröm út í sjálfa mig fyrir að hafa ekki spurt meira út í þetta… vona bara að þetta verði allt í lagi…

Úff við erum ekki að standa okkur hér á bænum - en ég setti inn nokkrar nýjar myndir í dag.
Saga Guðrún velti sér aftur í gær - eða gerði tilraun til þess en hætt við á síðustu stundu og skellti sér aftur á bakið. Annars átti Óli afmæli í gær og daman fékk tækifæri til að fara í þrjár kjóla í tilefni dagsins. Það er nú eins gott þar sem er til svo mikið af kjólum á bænum að það verður að búa til tilefni fyrir þá! Svo gerði hún sér lítið fyrir og vakti með pabba sínum til rúmlega fjögur í morgun og svaf svo bara til hálf tólf - takk fyrir án þess að vakna neitt. Ég hinsvegar rauk upp um tíu leytið og var alveg á því að ég hlyti bara að hafa gleymt eins og einni gjöf. Það var ekki og hún svaf frá 2:30 - 11:30 án þess að drekka!
Á morgun kemur Steina frænka og ég veit bara ekki hver er spenntastur hér á bænum! Hún er náttúrulega í sérlegu uppáhaldi hjá fiðurfénaðinum og þau geta bókað að þau fá athygli frá henni þegar hún kemur - en þau eiga oft voðalega erfitt þegar Saga fær alla athygli gestanna! En Saga er náttúrulega soldið spennandi líka hlýtur bara að vera! Oh, ég get varla beðið! Nóg að gera samt þangað til hún kemur því ég á von á heimsókn í dag og krakkarnir ætla að koma í kvöld og við ætlum að elda saman í tilefni gærdagsins - voða fjör Svo verðum við sjálfsagt að skríða á fætur á morgun þegar hún verður mætt

Við mæðgurnar sátum hérna í rólegheitum upp í sófa í dag, þe ég sat og Saga lá við hliðina á mér. Haldiði ekki að rófan litla hafi tekið sig til og velt sér af bakinu yfir á magann!!! Reyndar náði hún smá spyrnu á bakinu en velti sér nú samt. Sjálfsbjargarviðleitnin í botni hjá henni Svo var bara orgað þegar ég tók hana upp því að hún vill helst vera á maganum daginn inn og út.
Ég vit að við erum ekki að standa okkur nógu vel í að setja inn myndir núna - en það er búið að taka fullt af myndum sem fara ekki inn á netið Amk ekki strax

Saga Guðrún tók sig til og svaf bara í alla nótt - ekkert magapínustand og ekki neitt! Hún var reyndar óvær meira og minna í allan gærdag með einhverjar pílur frameftir kvöldi. Við fórum í mat til Maju & Brynjarjs og komum heim rétt fyrir tíu. Þá fór Saga í bað og eftir baðið nuddaði ég litlu bumbuna mína með magakveisuolíu frá Weleda, svo fékk hún sér að drekka og var svo lögð beint í vögguna tandurhreina og fína og steinsofnaði og svaf til hálf fjögur. Eina vandamálið er að við erum orðin svo innstillt á að vaka fram undir morgun að við náðum ekki að sofa svona vel eins og hún Í það minnsta ætlum við að prófa þessa rútínu aftur í kvöld - alveg frábært ef þetta hjálpar henni að slaka á. Í fyrrinótt vakti hún nefnilega til að verða fimm og greyið mitt litla átti svo bágt Annars þá kom hjúkkan á föstdaginn og stelpan er orðin 4600 gr, hvorki meira né minna. Daman fékk einkunnina “topp-stelpa” og við erum náttúrulega bara súper ánægð með það. Eftir rúma viku förum við svo með hana á heilsugæsluna í 6 vikna skoðun - tíminn líður bara ótrúlega hratt - eins gott að fylgjast með!

Við fórum í heimsókn á Lyngás í gær Saga hitti Beintu Maríu og það var bara æði! Beinta var í fyrsta lagi rosalega glöð að sjá mig og svo var hún að spjalla við Sögu, hélt utan um hana, klappaði henni á höfðinu og reyndi aðeins að toga í hárið Það voru teknar voða sætar myndir en því miður á ég þær bara á blaði … Hún ætlar samt að koma að heimsækja okkur bráðum og þá verða sko teknar myndir!
Í dag fórum við svo í heimsókn til langalangafa og hittum langömmu Maju og langömmusystur Þetta er orðið rosalega flókið allt saman! Það var rosalega gaman og að sjálfsögðu leist öllum vel á dömuna!
Annars eru allir slappir á þessu heimili. Saga greyið er komin með kvef og er svakalega stífluð. Hún er samt hitalaus en pínu hitalykt út úr henni. Hjúkkan ætlar að koma á morgun en við vonum nú að stelpan hristi þetta úr sér. Furðulegt hvað maður getur orðið órólegur yfir smá kvefi Ég skrifa aftur á morgun og set inn nýjar tölur af litla hlunknum mínum